Biblioteca de Galicia
Arquivo de Galicia
Museo de Galicia
Centro da Música e das Artes Escénicas
Centro de Arte Internacional
Servizos Centrais
Contorna
Biblioteca de Galicia
A Biblioteca de Galicia abrirá as súas portas a finais de 2010, ano do Libro e a Lectura en Galicia e Ano Xacobeo.
Destinada a ser cabeceira do sistema de bibliotecas galegas, a súa misión é a de reunir, conservar e difundir o patrimonio bibliográfico de Galicia e toda a produción impresa, sonora, audiovisual ou informática relacionada co mesmo. Á súa vez, representará ao sistema bibliotecario galego en España e ante todos os organismos, foros e plataformas internacionais do ámbito bibliotecario.
Promocionará e difundirá a cultura galega, facilitando o acceso ao patrimonio bibliográfico galego, xa sexa de forma presencial ou virtual, e será unha peza clave para as actividades culturais relacionadas co libro, a lectura e as bibliotecas. Neste marco, destinará recursos especiais á promoción da literatura infantil e xuvenil en lingua galega, potenciando o seu valor e a diversidade cultural.
Tanto os cidadáns en xeral como o público profesional poderán acceder á información relevante para usos culturais e educativos.
Usos
- Nivel 1:
866 m2 útiles: locais técnicos, carga e descarga. - Nivel 2:
4.289 m2 útiles: recepción, catalogación, reprografía, oficinas, procesado, comunicación subterránea co Arquivo de Galicia, sala de lectura para investigación, sala multimedia, depósito de libros, almacenes e instalacións. - Nivel 3:
4.720 m2 útiles: acceso principal, zonas comerciais, información, gardarroupa, zona de exposicións, depósito, aulas, auditorio e sala de lectura. - Nivel 4:
2.785 m2 útiles: sala de lectura, administración e xestión, depósito. - Nivel 5:
1.777 m2 útiles: depósito e instalacións. - Nivel 6:
1.265 m2 útiles: depósito.