Fundación Cidade da Cultura



Centro da Música e das Artes Escénicas

Situado no punto central da Cidade da Cultura de Galicia, as súas instalacións atópanse actualmente nunha fase inicial de construción.

Como resultado do proceso destinado a adaptar as súas características aos vertixinosos cambios no ámbito das artes escénicas, o Centro da Música e das Artes Escénicas, que inicialmente fora concibido para albergar o Teatro da Música, constituirá un espazo idóneo para a realización de actividades musicais, escénicas e audiovisuais de primeiro nivel.

Favorecerá a proxección exterior das producións galegas nos ditos ámbitos e o intercambio e a cooperación internacionais.

O seu auditorio principal, cun grande escenario polivalente e con capacidade para 1.300 persoas, complementarase con espazos de menor dimensión. Estes poderán albergar proxectos de pequeno formato e serán axeitados para a experimentación e a creación interdisciplinar, así como para accións formativas e de intercambio profesional. Desta forma, o Centro da Música e das Artes Escénicas non só será un espazo de excelencia para a exhibición no ámbito das artes escénicas, senón tamén un centro de recursos para a creación.

Usos

  • Nivel 1:
    1.730m2 fosos de orquestra e escenario.
  • Nivel 2:
    2.800 m2zonas técnicas, montaxes e almacén.
  • Nivel 3:
    3.400 m2camerinos, fosos de orquestra, escenario e auditorio.
  • Nivel 4:
    7.700 m2plateas de ópera e auditorio, escenarios, ombros, e chácena de ópera, camerinos destacados, vestíbulos de circulación, acceso desde o garaxe e gardarroupa, cargadoiros á galería de servizos .
  • Nivel 5:
    4.600 m2entrada principal, ambigú xeral, primeiro balcón da ópera e auditorio, cociña e cafetaría da sala VIP, gardarroupas, despachos de entradas e camerinos .
  • Nivel 6:
    4.800 m2cafetaría e restaurante, cociñas, segundo balcón da ópera e sala de proxeccións do auditorio, áreas de administración e instalacións.
  • Nivel 7:
    3.300 m2terceiro balcón da ópera, circulacións xerais, áreas de administración e instalacións, teares de ombros e chácena.
  • Nivel 8:
    3.600 m2corredor superior, camerinos, laboratorios.
  • Nivel 9:
    2.500 m2salas de ensaio, áreas de descanso, vestiarios e instalacións.
  • Nivel 10:
    1.000 m2instalacións.


© cidade da cultura de galicia